Ommaviy oferta: Bilgir platformasidan foydalanish shartlari

Ushbu hujjat Bilgir platformasidan foydalanish shartlari boʻyicha ommaviy oferta. Foydalanuvchi uni birinchi kirishda «Qabul qilaman» belgisini qoʻyib qabul qiladi va shundan soʻng u Operator bilan tuzilgan shartnoma kuchiga ega boʻladi.

1. Umumiy qoidalar va atamalar

1.1. Ushbu oferta Oʻzbekiston Respublikasi Fuqarolik kodeksining ommaviy oferta va aksept toʻgʻrisidagi qoidalariga muvofiq eʼlon qilinadi.

1.2. Atamalar:

• Platforma — bilgir.uz manzilidagi veb-sayt, uning dasturiy taʼminoti, dizayn shablonlari va xizmatlari.
• Operator — , Platformani boshqaruvchi shaxs.
• Foydalanuvchi — Operator yoki Platforma administratori login va parol bergan oʻqituvchi.
• Ishtirokchi — Foydalanuvchi oʻtkazayotgan «Jonli oʻyin»ga PIN kod orqali hisobsiz qoʻshilgan talaba.
• Manba — Foydalanuvchi Platformaga yuklagan yoki kiritgan fayl, matn yoki rasm.
• Material — Platforma sunʼiy intellekt yordamida tayyorlagan dars ishlanmasi, texnologik xarita, taqdimot, test, oʻyin va boshqa natijalar.

1.3. Aksept. Foydalanuvchi Platformaga birinchi marta kirganda oferta matni bilan tanishib, «Oferta shartlarini qabul qilaman» belgisini qoʻyadi. Bu harakat ofertaning toʻliq va soʻzsiz qabul qilinishi hisoblanadi. Qabul qilingan sana va oferta versiyasi Platformada saqlanadi.

1.4. Ishtirokchilar «Jonli oʻyin»ga qoʻshilish orqali ushbu ofertaning 6-boʻlimidagi shartlarga rozilik bildiradi.

2. Xizmat tavsifi

2.1. Platforma Foydalanuvchiga oʻzbek tili va adabiyoti fanlari boʻyicha oʻquv materiallarini sunʼiy intellekt yordamida tayyorlash, koʻrsatish, chop etish va sinfda «Jonli oʻyin» oʻtkazish imkonini beradi.

2.2. Xizmat hozirda bepul koʻrsatiladi. Operator kunlik generatsiya limitini belgilashi mumkin. Pullik tariflar joriy etilsa, Operator Foydalanuvchini kamida 15 kun oldin xabardor qiladi va yangi shartlar alohida qabul qilinadi.

2.3. Platforma «boricha» (as is) koʻrsatiladi. Operator texnik ishlar, uchinchi tomon xizmatlaridagi uzilishlar yoki sunʼiy intellekt provayderi limitlari sabab xizmat vaqtincha toʻxtashi uchun javobgar emas.

3. Hisob qaydnomasi

3.1. Login va parolni Operator yoki Platforma administratori beradi. Foydalanuvchi ularni boshqa shaxslarga bermaydi.

3.2. Bir hisobdan bir vaqtda koʻpi bilan ikkita qurilmada foydalanish mumkin. Uchinchi qurilmadan kirilganda eng eski sessiya avtomatik yopiladi.

3.3. Hisobdan uchinchi shaxslar foydalanganligi aniqlansa, ofertaning 4-boʻlimi buzilsa yoki qonun talab qilsa, Operator hisobni bloklashi mumkin.

3.4. Foydalanuvchi parolini unutsa yoki uni boshqa shaxs bilishidan shubha qilsa, administratorga murojaat qiladi; administrator yangi parol beradi va barcha sessiyalarni yopadi.

4. Mualliflik huquqi

Yuklangan manbalar uchun javobgarlik Foydalanuvchida; Operator manbalardan faqat xizmat koʻrsatish uchun foydalanadi, tayyor Materiallardan esa Foydalanuvchi taʼlim faoliyatida erkin foydalanadi.

4.1. Platformaga boʻlgan huquqlar

Platformaning dasturiy taʼminoti, dizayni, taqdimot shablonlari, logotipi, «Bilgir» nomi va boshqa elementlariga boʻlgan huquqlar Operatorga tegishli. Foydalanuvchi ularni nusxalamaydi, qayta sotmaydi va ulardan alohida mahsulot yaratmaydi.

4.2. Yuklangan manbalar: Foydalanuvchining kafolatlari

Foydalanuvchi har bir manbani (fayl, matn, rasm) yuklash yoki kiritish orqali quyidagilarni kafolatlaydi:

1. U manbaning muallifi yoki huquq egasi, yoki
2. Huquq egasining ruxsati bor, yoki
3. Foydalanish qonun ruxsat bergan holatga kiradi. «Mualliflik huquqi va turdosh huquqlar toʻgʻrisida»gi Qonunning (OʻRQ-42, 20.07.2006) 26-moddasiga koʻra, eʼlon qilingan asardan muallif va manba koʻrsatilgan holda maqsadga mos hajmda iqtibos keltirish va uni taʼlim nashrlarida misol sifatida ishlatish mumkin.

Manbani yuklashda Foydalanuvchi «Bu materialdan foydalanish huquqim bor» belgisini qoʻyadi. Bu belgi yuqoridagi kafolatni har bir yuklash uchun alohida tasdiqlaydi.

Uchinchi shaxs manba yuzasidan daʼvo qilsa, Foydalanuvchi uni oʻzi mustaqil hal qiladi va shu sababli Operatorga yetkazilgan zararni qoplaydi.

4.3. Operatorga beriladigan ruxsat

Foydalanuvchi Operatorga manbalardan quyidagi maqsadlarda bepul, mutlaq boʻlmagan foydalanish huquqini beradi: saqlash, matnini ajratib olish, sunʼiy intellekt provayderiga yuborish, Material tayyorlash va uni Foydalanuvchiga koʻrsatish. Bu huquq manba yoki tegishli Material oʻchirilguncha amal qiladi.

Operator manbalarni boshqa foydalanuvchilarga koʻrsatmaydi, sotmaydi, tarqatmaydi va oʻz sunʼiy intellekt modellarini oʻqitish uchun ishlatmaydi. Uchinchi tomon provayderlariga yuborilgan maʼlumotlar haqida 6-boʻlimga qarang.

4.4. Tayyor Materiallar

Platforma tayyorlagan Materiallardan Foydalanuvchi oʻz taʼlim faoliyatida erkin foydalanadi: darsda koʻrsatadi, chop etadi, talabalarga tarqatadi, tahrirlaydi va metodik ishlarida keltiradi. Operator Materiallarga mualliflik daʼvosini qilmaydi.

Materiallarda boshqa mualliflar asarlaridan parchalar (sheʼr, iqtibos, misol) boʻlishi mumkin. Ularni nashr etishda yoki tijorat maqsadida ishlatishda muallif va manbani koʻrsatish Foydalanuvchining zimmasida.

Sunʼiy intellekt matni tasodifan mavjud matnlarga oʻxshab qolishi mumkin. Materialni nashr etishdan oldin Foydalanuvchi uni tekshiradi.

4.5. Taqiqlar

Quyidagilar taqiqlanadi:

• Huquq egasining ruxsatisiz kitob, darslik yoki boshqa asarni toʻliq yoki uning asosiy qismini yuklash;
• Platforma Materiallarini «Bilgir» nomi bilan pullik mahsulot sifatida sotish;
• Talabalar, hamkasblar yoki boshqa shaxslarning shaxsga doir maʼlumotlarini (pasport, telefon, manzil, baholar) manbaga kiritish;
• Qonunga zid, haqoratli yoki milliy va diniy adovatni qoʻzgʻatuvchi materiallarni yuklash.

4.6. Huquq egasining shikoyati

Asari ruxsatsiz yuklangan deb hisoblagan shaxs manziliga yozadi va quyidagilarni koʻrsatadi: asar nomi va muallifi, huquq egasi ekanini tasdiqlovchi maʼlumot, Platformadagi material havolasi yoki tavsifi, aloqa maʼlumotlari.

Operator murojaatni 3 ish kuni ichida koʻrib chiqadi. Asoslangan shikoyatda Operator materialni yashiradi yoki oʻchiradi va Foydalanuvchini xabardor qiladi. Takroriy buzilishda Operator hisobni bloklashi mumkin.

5. Sunʼiy intellekt va material sifati

5.1. Materiallarni sunʼiy intellekt tayyorlaydi va ularda faktik, imloviy yoki metodik xatolar boʻlishi mumkin. Platformaning avtomatik tekshiruvi xatolarning yoʻqligini kafolatlamaydi.

5.2. Foydalanuvchi Materialni darsda ishlatish yoki nashr etishdan oldin uni tekshiradi va mazmuni uchun pedagog sifatida javob beradi.

5.3. «Faqat manbadan» rejimida sunʼiy intellektga barcha faktlarni manbadan olish topshirigʻi beriladi. Bu rejim ham Materialda manbada yoʻq maʼlumot boʻlmasligini toʻliq kafolatlamaydi.

6. Shaxsga doir maʼlumotlar

6.1. Platforma shaxsga doir maʼlumotlarni toʻplamaydi va saqlamaydi. F.I.Sh., telefon, pasport maʼlumotlari, manzil, IP-manzil va qurilma maʼlumotlari soʻralmaydi va yozib qolinmaydi.

6.2. Platforma ishlashi uchun faqat quyidagi texnik maʼlumotlar saqlanadi:

6.3. Foydalanuvchi va Ishtirokchilarga login va oʻyindagi ism sifatida taxallusdan foydalanish tavsiya etiladi. Foydalanuvchi manbalarga va materiallarga boshqa shaxslarning shaxsga doir maʼlumotlarini kiritmaydi (4.5-band).

6.4. Maʼlumotlar Cloudflare Inc. (AQSh) bulutli serverlarida saqlanadi. Material tayyorlash uchun mavzu, izoh va manba matni sunʼiy intellekt provayderiga yuboriladi: hozirda Google LLC (Gemini), keyinchalik Anthropic PBC (Claude) boʻlishi mumkin. Bepul Gemini xizmati shartlariga koʻra Google yuborilgan matnni oʻz xizmatlarini yaxshilash uchun ishlatishi va uni Google xodimlari koʻrib chiqishi mumkin.

6.5. Operator saqlangan maʼlumotlarni sotmaydi va reklama uchun ishlatmaydi. Hisobni va unga tegishli barcha maʼlumotlarni oʻchirish uchun manziliga murojaat qilinadi.

7. Javobgarlik, oʻzgartirishlar va nizolar

7.1. Operator Foydalanuvchining Materiallardan foydalanishi natijasidagi bilvosita zarar va boy berilgan foyda uchun javobgar emas. Xizmat bepul ekan, Operatorning umumiy javobgarligi qonunda belgilangan eng kam miqdor bilan cheklanadi.

7.2. Operator ofertaga oʻzgartirish kiritishi mumkin. Yangi versiya Platformada eʼlon qilinadi; Foydalanuvchi navbatdagi kirishda uni qayta qabul qiladi. Qabul qilmasa, hisobdan foydalanish toʻxtatiladi.

7.3. Foydalanuvchi istalgan vaqtda hisobini oʻchirishni soʻrab, shartnomani bekor qilishi mumkin. Shunda uning manbalari, rasmlari va Materiallari 30 kun ichida oʻchiriladi.

7.4. Nizolar avval muzokara yoʻli bilan hal qilinadi. Kelishuvga erishilmasa, nizo Oʻzbekiston Respublikasi qonunchiligiga muvofiq Operator joylashgan yerdagi sudda koʻriladi.

7.5. Operator rekvizitlari: , STIR , manzil , e-pochta , telefon .